Qaraǵandy oblysynda MÁMS qory esebinen jeke klınıkalarda emdelýge bolady
14:13, 18 Qazan 2019
QARAǴANDY. QazAqparat - Qaraǵandy oblysynyń turǵyndary mindetti medıtsınalyq saqtandyrý qory esebinen tekserýden ótip, jeke klınıkalarda dárigerdiń keńesin ala alady. Bul týraly «Qaraǵandy oblysy boıynsha áleýmettik medıtsınalyq saqtandyrý qory» KEAQ fılıalynda aıtyldy, dep habarlaıdy QazAqparat tilshisi.
Eger bekitilgen jerdegi emhanada patsıentke konsýltatsııasy qajet maman nemese taǵaıyndalǵan taldaýlardy júrgizý úshin qajetti qural-jabdyqtar bolmasa, jeke klınıkaǵa tekserýge nemese konsýltatsııaǵa joldama alýǵa bolady.
Óńirdiń 65 jeke menshik klınıkasy mindetti medıtsınalyq saqtandyrý qorymen kelisimshart jasasty. Qujat negizinde olar qalalyq emhanalarǵa bekitilgen emdelýshilerge qyzmet kórsetýge jáne MÁMS júıesinen tólem alýǵa quqyly.
Qaraǵandy oblysynda barlyǵy 121 medıtsınalyq mekemeniń medıtsınalyq saqtandyrý qorymen kelisimsharty bar.