Qaraǵandy oblysynda qurylysshylardy marapattady

QARAǴANDY. QazAqparat - 12 tamyzda Qaraǵandy oblysy ákiminiń mindetin atqarýshy Asylbek Dúısebaev erekshe kásibıligimen, eńbekqorlyǵymen, óz isine adaldyǵymen kózge túsken qurylys salasynyń qyzmetkerlerin saltanatty marapattaý rásim ótkizdi, dep habarlady oblys ákiminiń baspasóz qyzmeti.

Saltanatty sharada úzdik qurylysshylarǵa Qaraǵandy oblysy ákiminiń Qurmet gramotalary men Alǵys hattary, soondaı-aq salalyq mınıstrlikterdiń vedomstvolyq nagradalary tabys etildi.

Oblysta Memleket basshysynyń tapsyrmalary sátti oryndalýda. «Nurly jol», «Jumyspen qamtý jol kartasy 2020», «Bıznestiń jol kartasy 2020» «2020 jylǵa deıingi óńirlerdi damytý baǵdarlamasy» jáne Qazaqstan azamattarynyń ómir sapasyn jaqsartýǵa baǵyttalǵan basqa da memlekettik baǵdarlamalar tıimdi iske asyrylýda.

Bıyl 37 áleýmettik mańyzdy nysandar - 5 mektep, 2 balabaqsha, 28 densaýlyq saqtaý nysany salynyp, jóndelýde. Sondaı-aq osy jyly 4 mektep 2 balabaqsha, 27 aýyldyq dárigerlik ambýlatorııa paıdalanýǵa engizildi.

Qaraǵandy oblysynyń turǵyn úı qurylysy barysynda 7 aıda 182,7 myń sharshy metr úı paıdalanýǵa berildi.