Qaraǵandy oblysynda qurylys, sáýlet jáne qala qurylysy basqarmasynyń basshysy taǵaıyndaldy

QARAǴANDY. QazAqparat - Qaraǵandy oblysynyń qurylys, sáýlet jáne qala qurylysy basqarmasynyń basshysy qyzmetine Murat Sákenuly Maǵzın taǵaıyndaldy, dep habarlaıdy QazAqparat tilshisi.

Kadrlyq ózgerister týraly oblys ákimdiginde habarlady. Jańa basshynyń kandıdatýrasy konkýrstyq komıssııanyń sheshimimen usynyldy.

Murat Maǵzın eńbek jolyn 2000 jyly «Ispat-Karmet» AQ Kómir departamentiniń V.I. Lenın atyndaǵy shahtasynda taý-ken sheberi bolyp bastaǵan.

2004 jyldan bastap memlekettik qyzmette – Abaı aýdanynda qurylys jáne qala qurylysy; TKSh, jolaýshylar kóligi jáne avtomobıl joldary bólimderiniń bas mamany bolyp jumys istedi.

2006 jyldan 2015 jylǵa deıin osy aýdanda qurylys, sáýlet jáne qala qurylysy bólimin basqardy.

2015 jyldyń qyrkúıek aıynan bastap qazirgi tańǵa deıin Abaı aýdany ákiminiń orynbasary qyzmetin atqardy.