Qaraǵandy oblysynda kópbalaly otbasylar baspanaly boldy

QARAǴANDY. QazAqparat – Qaraǵandy oblysy Buqar jyraý aýdanynda «Nurly jer» baǵdarlamasy boıynsha kóp balaly otbasylardy turǵyn úımen qamtamasyz etý jalǵasýda. «Altyn alqa», «Kúmis alqa» ıegerleri, «Ana dańqy» ordenderiniń ıegerleri úsh qabatty jańa úıdiń páter kiltterine ıe boldy, dep habarlaıdy QazAqparat tilshisi.

Atap aıtqanda, 24 otbasy qonys toıyn toılady.

«Biz qýanyshtymyz. Árbir qazaqstandyqtyń óz baspanasy bolýyn, halqymyzdyń beıbitshilik pen kelisimde ómir súrýin tileımin», - dedi «Kúmis alqa» ıegeri BaıǵanTósekbaı.

Ol 90-jyldary Mońǵolııadan tarıhı otanyna oralǵan. Qazir Botaqarda aýla sypyrýshy bolyp jumys isteıdi.

Erli-zaıypty Muqashovtar bes bala tárbıelep otyr. Otaǵasy Qaraǵandydaǵy zaýytta eńbek etedi. Otbasylyq bıýdjettiń bir bóligi jaldamaly páterdiń aqysyn tóleýge jumsaldy. Endi olar úıge qajetti jıhaz satyp alýdy kózdep otyr.

Buqar jyraý aýdanynda qoljetimdi turǵyn úı qurylysy ulǵaıdy. Turǵyn úı ınspektsııasy bóliminiń málimetinshe, 2020 jyly «Nurly jer» baǵdarlamasy

boıynsha áleýmettik qorǵalatyn sanattaǵy 150-den astam otbasy páter aldy.

Olardyń qatarynda kópbalaly otbasylar men jetimder bar. Bıyl kezekte turǵan 200-den astam adamdy turǵyn úımen qamtamasyz etý josparlanýda.