Qaraǵandy oblysynda kommýnaldyq qyzmet aqysyn keshiktirgender aıyppul tólemeıdi

QARAǴANDY. QazAqparat - Qaraǵandy oblysynda tótenshe jaǵdaı saldarynan kommýnaldyq qyzmetterdi tóleýge múmkindigi joq turǵyndar keıin tólese bolady. Qaryzy bar tutynýshylar kommýnaldyq ıgilikterden ajyratylmaıdy, sondaı-aq aıyppuldar men ósimpuldar eseptelmeıdi, dep habarlaıdy QazAqparat tilshisi.

Kommýnaldyq qyzmetterdi tóleý merzimin uzartý úshin ótinish jazýdyń nemese tıisti uıymdarǵa júginýdiń qajeti joq. Ol avtomatty túrde taǵaıyndalady. Bul týraly turǵyn úı-kommýnaldyq sharýashylyq basqarmasynyń basshysy Ulantaı Úsenov málimdedi

«Barlyq kásiporyndar TJ rejımi kezinde adamdarda qarjylyq qıyndyqtar bolýy múmkin ekenin túsinedi. Sondyqtan olardyń barlyǵy tutynýshylarǵa ótem merzimin uzartý týraly sheshim qabyldady. Ótip ketken kezeń úshin TJ rejımi aıaqtalǵannan keıin birden emes, úsh aı ishinde tólem jasaý kerek bolady», - dedi Ulantaı Úsenov.

Gaz, elektr jáne jylý boıynsha kórsetkishterdi berýge qatysty da alańdaýdyń qajeti joq: olardy keıinirek habarlaýǵa bolady. Múmkindigi bar adamdarǵa telefon arqyly ystyq jáne sýyq sý kórsetkishterin berý kerek.

Jumystan aıyrylmaǵan jáne kommýnaldyq qyzmetterdi tóleý múmkindigi bar tutynýshylarǵa tólemderdi bankterdiń mobıldik qosymshalarynyń kómegimen jasaýǵa keńes beredi.

Óńirimizdiń kommýnaldyq kásiporyndary 2020 jyldyń 2 sáýirinen bastap karantınge baılanysty azamattardy qabyldaýdy toqtatty.

Kommýnaldyq qyzmetterge baılanysty barlyq suraqtar boıynsha 09.00-den 17.00-ge deıin kelesi telefondar arqyly habarlasýǵa bolady:

Qaraǵandy: jylýmen qamtý – «QaraǵandyJylýSbyt» JShS - (8-7212) 98-00-05; sýmen qamtý – «Qaraǵandy Sý» JShS - (8-7212) 56-43-45; QTQ – «GorKomTrans» JShS - (8-7212) 56-11-33, «Resaıklıng» JShS - (8-7212) 53-11-10; gaz – «EkoÁlemQazaqstan» JShS - (8-7212) 97-30-72.

Temirtaý: jylýmen jáne sýmen qamtý – «Oqjetpes-T» JShS - (8-7213 99-62-64); energııamen qamtý – «Oqjetpes» JShS - (8-7213) 44-84-92; «Gordorservıs-T» QTQ - (8-7213) 98-66-68, «Fırma 777» JShS - (8-7213) 98-45-58, «TTK» JShS - (8-778) 891-53-38.

Saran: jylýmen qamtý – «Saranteploservıs» JShS - (8-72137) 5-80-30; energııamen qamtý – «RSO» JShS - (8-7212) 90-01-52; sýmen qamtý – «Sarankommýnservıs» KMK - (8-72137) 5-22-70; QTQ – «Lelıkov» JK - (8-7777) 976-08-67, «Myslıtskıı» JK - (8-701) 258-12-26.

Shahtınsk: jylýmen qamtý – «Shahtınskteploenergo» JShS - (8-72156) 3-90-47; energııamen qamtý – «RSO» JShS - (8-7212) 90-01-52; sýmen qamtý – «Shahtınskvodokanal» AQ - (8-72156) 3 -93-80; QTQ - «Kramareva» JK - (8-72156) 3-93-38, «Malıbekov» JK - (8-72156) 3-23-79, «Kropacheva» JK - (8-72156) 6-64-54.

Abaı: jylýmen qamtý – «Abaılyq jylý júıeleri» JShS - (8-72131) 4-42-77; energııamen qamtý – «RSO» JShS - (8-7212) 90-01-52; sýmen qamtý – «Jiger Sý» KMK - (8-72131) 4-48-58; QTQ – «Abaı Kórkem» JShS - (8-72131) s. 4-85-35.