Qaraǵandy oblysynda kómirdi jazda da satyp alýǵa bolady

ASTANA. QazAqparat - Qaraǵandy oblysynyń ákimi Erlan Qoshanov kómir óndirýshi kásiporyndar jáne «QTJ - Júk tasymaly» AQ oblystyq bóliminiń basshylaryn qabyldady, dep habarlaıdy QazAqparat oblystyq ákimdiktiń saıtyna silteme jasap.

Onda turǵyndardyń qystyń túsýin kútpeı-aq jazda kómir satyp alýy úshin qajetti jaǵdaılardy jasaý týraly sheshim qabyldandy.

«Byltyrǵy jaǵdaıdy eskere otyryp, bıyl kásiporyndar kóktem-jaz mezgilderinde arshý jumystarynyń kólemin, sondaı-aq kómir tıeıtin tehnıkalardyń sanyn arttyrý boıynsha qosymsha sharalar qarastyrýǵa sheshim qabyldady. Qarastyrylyp jatqan sharalar kásiporyndardyń kómir óndirý kólemin ulǵaıtý qamtamasyz etedi. 2017 jyly 32 mln tonna kómir óndirilgen bolatyn, al bıyl ony 38 mln tonnaǵa deıin, ıaǵnı 19% arttyrý josparlanyp otyr. Sondaı-aq turǵyndarǵa arnalatyn kommýnaldyq-turmystyq kómir óndirý kólemi 1 mln tonnaǵa nemese 25% arttyrylady», - deıdi Ónerkásip jáne ındýstrıaldy-ınnovatsııalyq damý basqarmasynyń basshysy Ǵalymjan Jumasultanov.

Oblysta kommýnaldyq-turmystyq kómir jetkizýmen alty kásiporyn aınalysady. 2018 jyly kómir óndirýshi kásiporyndar turǵyndarǵa arnalǵan kómir óndirý kólemin shamamen 5 mln tonnaǵa jetkizbek. «Shubarkól premıým» AQ kómir óndirý kólemin eki ese arttyrýdy josparlap otyr. Bıyl «Kýznetskıı» kenishinen kómir qaıta óndirile bastady. Abaı aýdanynda «Soqyr kómir» kompanııasy jańa kómir kenishin qazýǵa kirispek.

Qalalar men aýdandardyń ákimderine kenishterdegi arshý jumystarynyń oryndalýyn jáne tehnıkanyń kómirdi tıeýge daıyn bolýyn qadaǵalaý tapsyryldy.

Oblysta turǵyndardyń sýyq túsýin kútpeı-aq jazda kómir satyp alýy úshin qajetti jaǵdaılardy jasalyp jatyr. Jylýdy qazandyqtardan alatyn bıýdjettik uıymdar da kómirmen der kezinde qamtamasyz etiledi.

Budan tys, oblys ákimi turǵyndarǵa qaı jerden kómir satyp alýǵa bolatynyn jetkizýdi tapsyrdy. Qaraǵandyda jeke sektordy aralaıtyn kóshpeli toptar qurý josparlanyp otyr.