Qaraǵandy oblysynda qarjy pıramıdasynyń joly kesildi

ASTANA. QazAqparat - Qarjy monıtorıngi agenttiginiń Qaraǵandy oblysy boıynsha departamenti qarjy pıramıdasyn qurý jáne paıdalaný faktileriniń jolyn kesti, dep habarlaıdy QazAqparat agenttiktiń baspasóz qyzmetine silteme jasap.

Baspasózj qyzmetiniń málimetterine qaraǵanda, tergeý barysynda ártúrli abonenttik nómirlermen tirkelgen WhatsApp messendjer qosymshasyn paıdalaný arqyly 5 joba ataýynyń negizi qalandy.

Qylmystyq shema boıynsha uıymdastyrýshy 3 myńnan 10 myń teńge kólemindegi zańsyz ınvestıtsııa tartqan, jobaǵa qatysýshylarǵa 10 táýlikke deıin aralyqta salǵan qarajatynan 300% jáne 500% tóleýdi ýáde etken.

Tergeý anyqtaǵan belgiler qarjy pıramıdasynyń negizgi belgilerine jatady.

«Atalǵan fakti boıynsha sotqa deıingi tergeý bastalyp, jedel-izdestirý sharalary júrgizilip jatyr. QMA azamattardy qyraǵy bolýǵa jáne jınaqtaryn kúmándi qarjy ınstıtýttaryna salmaýǵa shaqyrady»,-delingen habarlamada.