Qaraǵandy oblysynda iri qaradan brýtsellez anyqtalǵan aýylǵa shekteý engizildi

ASTANA. QazAqparat – Qaraǵandy oblysyna qarasty Mádı aýyldyq okrýginde iri qaradan brýtsellez anyqtaldy, dep habarlaıdy QazAqparat tilshisi.

«Qarqaraly aýdany, Mádı aýyldyq okrýginiń aýmaǵynda aýyl sharýashylyǵy janýarlarynyń arasynan brýtsellez aýrýy anyqtalýyna baılanysty shekteý is-sharalary belgilensin», - delingen Mádı aýyldyq okrýginiń ákimi B.Raıymnyń sheshim-jobasynda.

Málim bolǵandaı, atalǵan eldi mekendegi iri qaradan brýtsellezge alynǵan 15 synamany zertteý kezinde úsh bastan aýrý anyqtalǵan. Osyǵan baılanysty shekteý sharalaryn engizý josparlanyp otyr.

Sheshim búginnen, ıaǵnı 12 shildeden bastap kúshine enedi.

Qosa ketsek, buǵan deıin Soltústik Qazaqstan oblysynda brýtsellez anyqtalǵan Talshyq aýylynda shekteý engizildi.