Qaraǵandy oblysynda «Gúlshat» kún elektr stansysynyń qurylysy bastaldy

QARAǴANDY. QazAqparat - Qaraǵandy oblysynda Balqash qalasy Gúlshat kentiniń mańynda qýattylyǵy 40 MVt bolatyn kún elektr stansysy boı kóteredi. Onyń qurylysy búgin, 7 maýsymda bastaldy, dep habarlaıdy QazAqparat oblystyq ishki saıasat basqarmasyna silteme jasap.

Jobanyń iske qosý saltanatyna Qaraǵandy oblysy ákiminiń orynbasary Anatolıı Shkarýpa, Balqash qalasynyń ákimi Aleksandr Aglıýlın, ınvestor - RisenEnergy ıspandyq kompanııasynyń ókilderi qatysty.

Investıtsııanyń jalpy somasy 46 mln AQSh dollaryn quraıdy. Jobaǵa «KPM-Delta» JShS bastamashylyq etýde.

«Gúlshat» kún elektr stansysyn 2019 jyldyń birinshi toqsanynda paıdalanýǵa berý josparlanyp otyr. Ol jylyna 59 mln kVt/saǵatqa deıin «taza» elektr energııasyn óndiredi. Ol Qaraǵandy oblysyndaǵy jáne Qazaqstandaǵy eń iri jańartylatyn energııa kózi nysandarynyń biri bolmaq.

Kún elektr stansysynyń qurylysyna 300-den astam jumysshy tartylady. Ol iske qosylǵannan keıin 10 maman qyzmet kórsetedi.