Qaraǵandy oblysynda erekshe balalarǵa arnalǵan oqýlyqqa 76,6 mln teńge bólindi
Erekshe balalardy oqytý máseleleri ata-analardyń oblys ákimimen jáne beıindi vedomstvolarmen onlaın-kezdesýi barysynda qaraldy. Bilim basqarmasynyń basshysy Gúlsim Qojahmetovanyń aıtýynsha, qazirgi ýaqytta kórý jáne aqyl-oıy buzylǵan balalarǵa arnalǵan oqýlyqtar máselesi sheshildi. Bul túıitkildi erekshe balalardyń ata-analary ótken kezdesýde kótergen bolatyn.
«Bıyl kórý qabileti men aqyl-oıy buzylǵan balalarǵa arnalǵan oqýlyqtardy satyp alýǵa 76,6 mln teńge bólindi. Bul qajetti kitaptardyń 15 200 danasyn satyp alýǵa múmkindik berdi», - dedi Gúlsim Qojahmetova.
Taǵy bir ótkir másele – arnaıy bilimi bar pedagogter tapshylyǵy. Vedomstvo basshysy bul másele kezeń-kezeńimen sheshiletinin aıtty. Osy maqsatta bıyl aýtızm dıagnozy bar balalarmen ózara is-qımyl boıynsha pedagogter men ata-analardy oqytý kýrstaryna qarajat bólindi.
Onlaın-kezdesýde ata-analardy, sonymen qatar aýtızmi bar balalardy qoldaý ortalyǵy qashan ashylatyny da qyzyqtyrdy. Oblystyń bilim basqarmasy búgingi kúni nysannyń qurylys-montajdaý jumystary 70% oryndalǵanyn habarlady. Ortalyqtyń materıaldyq-tehnıkalyq jabdyqtalýyna qatysty jıhaz ben jabdyqtar satyp alynǵany aıtyldy. Jańa ortalyqta balalarmen bes defektolog, úsh psıholog jáne logoped jumys isteıdi. Barlyq pedagog arnaıy oqytýdan ótken. Ortalyq qyrkúıek aıynyń sońynda ashylady dep kútilýde.