Qaraǵandy oblysynda er adam ajyrasý kezinde áıelin pyshaqtap óltirdi
19:05, 28 Mamyr 2023
QARAǴANDY. QazAqparat – Qaraǵandy oblysynda ajyrasý protsessi kezinde AHAT bóliminde er adam áıeline birneshe ret pyshaq suǵyp, alǵan jaraqatynan ol qaıtys boldy, dep habarlaıdy QazAqparat tilshisi.
Qaıǵyly oqıǵa Qaraǵandy oblysynyń Buqar jyraý aýdanynda boldy. Aýdandyq AHAT bóliminde er adam áıeliniń keýdesine birneshe ret pyshaq salǵan.
«Atalǵan fakti boıynsha QR QK 99-baby 1-bóligimen (Kisi óltirý) qylmystyq is tirkeldi. Kúdikti ustaldy. Tergeý jumystary júrgizilýde», - dep habarlady Qaraǵandy oblysy PD baspasóz qyzmeti.
Ajyrasý protsesi áıeldiń bastamasymen ótip jatqan. Belgili bolǵandaı, ol kúıeýimen ajyrasý úshin Almatydan arnaıy kelgen. Keıingi ýaqytta ol ońtústik astanada turyp jatqan. Qaıǵyly oqıǵa AHAT qyzmetkeriniń kóz aldynda boldy. Oqıǵa ornyna jedel járdem shaqyrylǵan, biraq dárigerler áıeldi ólim aýzynan qutqara almady.