Qaraǵandy oblysynda eń kóp kitap oqıtyn otbasy tańdaldy

QARAǴANDY. QazAqparat – Qaraǵandy oblysynda eń kóp oqıtyn otbasy Qarqaraly aýdanynda turady. Olar «Oqyrman otbasy» baıqaýynyń jeńimpazy atandy, dep habarlaıdy QazAqparat tilshisi.

Oblystyq baıqaýdyń sońǵy kezeńinde 15 otbasy eki sanat boıynsha baq synasty – «Teatr qoıylymy» jáne «Fotogalereıa».

«Teatr qoıylymy» nomınatsııasynda otbasylarǵa 5 mınýt ishinde A. Baıtursynovtyń shyǵarmasynyń sahnalanýyn kórsetý qajet boldy. Kostıýmder men rekvızıtter shyǵarmanyń mazmunyna sáıkes kelýi kerek edi. Beıne jáne mýzykalyq súıemeldeý aldyn-ala daıyndaldy. Sóz sońynda mindetti túrde ónegeli qorytyndy jasaý kerek boldy. «Fotogalereıa» nomınatsııasy — shyǵarmashylyq tapsyrma. Ár januıa otbasymen jáne otbasylyq oqý jaıly fotosýretter daıyndady. Fotosýretterdiń sany men formaty, sondaı-aq otbasylyq fotogalereıanyń jalpy formasy men ıdeıasyn qatysýshylar ózderi tańdady», – dedi uıymdastyrýshylar.

Komıssııanyń daýys berý nátıjesi boıynsha nomınatsııa jeńimpazdary men ıegerleri anyqtaldy.

Máselen, bas júldeni Qarqaraly aýdanynan Shárip otbasy jeńip aldy, al birinshi oryndy Temirtaýlyq Baqytbolat otbasy ıelendi.

Sondaı-aq, túrli nomınatsııa boıynsha úzdikter anyqtaldy – mysaly, «Ónegeli otbasy», «Pozıtıvti otbasy» jáne t. b.

Búkil jeńimpazdarǵa dıplomdar, aqshalaı sertıfıkat jáne baǵaly syılyqtar tapsyryldy.

Baıqaý oblystyq «Bir otbasy – bir kitap» aktsııasy aıasynda ótti.

Foto: Qaraǵandy oblysynyń ákimdigi