Qaraǵandy oblysynda elektr energııasyn jetkizýshiler baǵany negizsiz kótermek bolǵan
«Qaraǵandy oblysynda elektrmen jabdyqtaý qyzmetterine baǵa belgileýge monıtorıng júrgizildi. Elektr energııasyn jetkizýshi uıymda baǵanyń óskendigin rastaıtyn shot-faktýra bolmaǵan. Ókiletti organdarmen birge qabyldanǵan is-sharalardyń nátıjesinde baǵa ósirý jospary tómendetildi. Osylaısha, óńir turǵyndary 2022 jyldyń qazanynan 2023 jyldyń qazanyna deıingi aralyqta 2,5 mlrd teńgege elektr energııasyna artyq tólem jasaýdan qorǵaldy. Balqash qalasy turǵyndary úshin 133 mln teńgege jylýmen jabdyqtaý, 92 mln teńgege sýmen jabdyqtaý jáne sý burý qyzmetterine arnalǵan tómendetilgen óteletin tarıf engizildi», - dedi Saıan Ahmetjanov Ortalyq kommýnıkatsııalar qyzmetindegi baspasóz máslıhatynda.
Onyń dereginshe, 2022 jyldyń 11 aıynda sybaılas jemqorlyqqa qarsy 228 monıtorıng júrgizildi. Onyń barysynda 66 memlekettik organnyń jáne kvazımemlekettik sektor uıymdarynyń qyzmetine syrtqy saraptama júrgizildi. Jemqorlyq táýekelder men jaǵdaılardy joıý, bıznes-protsesterdi jaqsartý, ákimshilik kedergilerdi tómendetý, zańnamany jetildirý boıynsha 2 myńnan astam usynys pen usynym berildi. Búginde olardyń 70 paıyzǵa jýyǵy júzege asyryldy.