Qaraǵandy oblysynda eki jańa óndiristi iske qosý josparlanýda

QARAǴANDY. QazAqparat – Qaraǵandy oblysynyń Jańaarqa aýdanynda eki óndiristik joba iske qosylady. Ol týraly aýdan ákimi ıÝrjan Bekqojın Qaraǵandy oblysynyń basshysy Jeńis Qasymbektiń qatysýymen ótken onlaın-keńeste málim etti, dep habarlaıdy QazAqparat tilshisi.

Jańaarqa aýdanynda 2021 jyly Shyǵys Qamys ken ornynda marganets kenin óńdeıtin «Jańaarqa Marganets» JShS 10 jumys ornyn jáne marganets kenin baıytatyn jáne «ERGRecycling» JShS qurylys materıaldaryn shyǵaratyn óndiristik keshenin iske qosyp, 25 jańa jumys ornyn qurý josparlanǵan.

«Búgingi tańda 18 jańa ShOB nysanyn ashý kózdelgen (7-i - saýdada jáne 11-i - qyzmet kórsetý salasynda), bul 41 turaqty jumys ornyn qurýǵa múmkindik beredi», - dedi ıÝrjan Bekqojın.

Ótken jyly shaǵyn jáne orta bızneske 165 nesıe berilip, Bıznestiń jol kartasy boıynsha 21 grant pen 3 jobaǵa qoldaý kórsetildi. Іsin jańa bastaǵan kásipkerler úshin aǵymdaǵy jyly aýdandyq bıýdjet esebinen 500 myń teńgeden 12 grant jáne «Eńbek» memlekettik baǵdarlamasy aıasynda 200 AEK-ten 50 grant qarastyrylǵan.

Aýdanda kezekte turǵandardy turǵyn úımen qamtamasyz etý basymdyqty baǵyt bolyp qala beredi. Bıyl 18 myń sharshy metrdi paıdalanýǵa berý josparlanyp otyr. Qazirdiń ózinde 9 jáne 18 páterli jalǵa beriletin turǵyn úı, 8 páterli nesıelik úı qurylysy júrip jatyr. Sondaı-aq, 16 páterli nesıelik úıdiń qurylysy bastalady. Osynyń barlyǵy 51 otbasyn turǵyn úımen qamtamasyz etýge múmkindik beredi. Kóp balaly otbasylar úshin tórt 2 páterlik jáne eki 12 páterlik úılerdiń qurylysy bastalady.

Jeke turǵyn úı qurylysyn damytý úshin elektrmen jáne sýmen jabdyqtaý boıynsha jumystar júrgizilýde. Búgingi kúni aýdan ortalyǵynda jeke turǵyn úı qurylysyna arnalǵan 49 ýchaske daıyn.

Sondaı-aq, Jańaarqa, Aqtúbek jáne Aınabulaq avtomobıl joldaryna ortasha jóndeý jumystary júrgiziledi.

Bıyl 8 saıabaq pen 13 sport alańyn abattandyrý josparlanǵan.

«Biz aýdannyń damýyna úlken kóńil bólemiz. Jumyspen qamtýdyń jol kartasy boıynsha 44 joba iske asyryldy, onyń ishinde balabaqshalar, mektepter, ınfraqurylym jáne t.b. jóndeldi. 11 eldi mekenniń joldary jóndeldi. Aýdan ortalyǵynda mektep qurylysy bastaldy. 8 jáne 16 páterli eki úı paıdalanýǵa berildi. 20 kópbalaly ana baspanamen qamtamasyz etildi, 21 otbasy «Baqytty otbasy» baǵdarlamasy boıynsha sertıfıkat aldy. Biraq áli de turǵyn úıge muqtaj adamdar bar. Osy baǵyttaǵy jumysty jalǵastyrý qajet», - dep tapsyrdy oblys ákimi Jeńis Qasymbek.