Qaraǵandy oblysynda egiz qutqarýshylar qyzmet etedi

QARAǴANDY. QazAqparat – Órt sóndirýshi mamandyǵynda «kezdeısoq adamdardy» tabý óte qıyn. Óıtkeni olardyń qyzmeti batyldyqty, ójettilikti talap etedi.Bul - ózgeniń ómirin ajaldan arashalaý úshin keıde ózin qurban etetin mamandyq.Ádette bul qyzmette bir otbasynyń birneshe múshesi jumys isteıtini tańsyq emes, alaıda egizderdiń bir salada qyzmet atqaratyny óte sırek.Endeshe, Qaraǵandy oblysynyń garnızonynda egiz qutqarýshylar jumys isteıdi. Ol - Shákirat otbasyndaǵy Sabıt pen Ǵabıt jáne Tursynhanovtar otbasynyń Jandos pen Erdos esimdi egiz uly.

Aǵaıyndy Sabıt pen Ǵabıt

Qaraǵandy oblysy Ulytaý aýdanyna qarasty Jezdi aýylynda 1988 jyly 2 naýryzda dúnıge kelgen.

Bir balabaqshada tárbıelenip, bir mektepte bilim alyp,Jezqazǵan ındýstraldy-gýmanıtarlyq kolledjinde bir mamandyqta oqyp,

tipti bir áskerı bólimde azamattyq boryshtaryn ótkergen egizder búgingi kúni bir salada qyzmet atqaryp júrgenderi de ózderi úshin tań qalarlyq emes.

Sebebi olar únemi birge júrip úırenip qalǵan.

Shákirat Sabıt alǵashqy qyzmetin 2012 jyly Jezdide órt sóndirýshi bolyp bastady. 2015 jyldan bastap Qaraǵandy oblysy TJD Órt sóndirý jáne avarııalyq-qutqarý jumystary qyzmetiniń №31 órt sóndirý beketinde bólimshe komandıri qyzmetinde.

Al, Shákirat Ǵabıt bul qyzmetke Sabıtke qaraǵanda eki jyl buryn kelgen. №48 órt sóndirý bóliminde órt sóndirýshi bolyp bastap, bólimshe komandıri laýazymyna deıin joǵarylaǵan. Keıin 2016 jyly Qaraǵandy oblysy Sátbaev qalasynyń TJ bólimine ınjener qyzmetine aýysady. 2019 jyldan bastap aǵa ınjener laýazymynda. 2014 jyly úılenip, qazir bir

qyzdy tárbıelep otyrǵan ardaqty áke.

Ekeýine mamandyq tańdaýǵa úlken aǵalary kómektesken. Adamdardyń kóbi ajyrata almaǵandyqtan shatastyratynyn aıtady. Bir-birlerine qatty uqsaıtyny sonshalyq, men de suhbattasý barysynda aıyrmashylyq taba

almadym. Tipti minezderine deıin birdeı, salmaqty. Sabıt Ǵabıtten 10 mınýtqa úlken.

-Aǵańyz qutqarýǵa shyqqanda, siz sezesiz be?

Sabıt: Burynan bar ondaı qasıet egızderde. Qatty bolmasada bolady ondaı arasynda.

Ǵabıt: Shamaly sezim bolady.

-Kim tamaqty jaqsy daıyndaıdy?

Sabıt: Tamaq daıyndaýdy onsha unata koımaımyz. Jasaý bilemin, biraq jasaı qoımaımyn.

Ǵabıt: Ekeýmizde de ortasha, áketip bara jatqan shef-povarlar emespiz.

-Baýyryńyzdy sıpattap berińizshi?

Sabıt: Ǵabıt bala kezinen maǵan karaǵanda shıraqtaý, sabyrly.

Ǵabıt: Sabyrly, salmaqty, tııanaqty, adal, aq kóńil, uqypty, eńbekqor

-Sóılemdi jalǵastyryńyz «Men baýyrym úshin...?»

Sabıt: Janymdy berýge ázirmin.

Ǵabıt: Barlyǵyna daıynmyn.

Suhbattasý barysynda Sabıttiń boıdaq ekenin bildik.

- «Eger bir úıdiń egiz qyzdary bolsa, tanysýǵa qarsy emespin»-deıdi qaljyńdap.

Aǵaıyndy Jandos pen Erdos

1990 jyly 6 sáýirde Qaraqaraly aýdanyna qarasty Qaraǵaıly kentinde dúnıege kelgen.

Jandos pen Erdos ta bir synypta oqyp, 2010 jyly Qaraǵandy polıtehnıkalyq kolledjinde «avtomehanık» mamandyǵyn alyp shyqty.

Erdos Otan aldyndaǵy boryshyn ótkerip kelgen soń, alǵash jumysqa 2014 jyly Qaraǵandy qalasyndaǵy Órt sóndirý jáne avarııalyq-qutqarý jumystary qyzmetiniń №6 órt sóndirý bólimine órt sóndirýshi qyzmetine kirdi. Jandos egizinen tórt jyldan soń Shahtınsk qalasyndaǵy №3 mamandandyrylǵan órt sóndirý bólimine órt sóndirýshi bolyp turdy.

Qazir egiz baýyrlar Qaraǵandy qalasyndaǵy №8 jáne №13 órt sóndirý bólimderiniń azamattyq qorǵaý salasynda qyzmette. Aıta keter jaıt,bir qyzmette júrse de órt qońyraýlarynda birge shyqqan emes.

Ekýi de ómirde serik bolar jarlaryn jolyqtyryp, óz aldaryna jeke otaý qurǵan azamattar.

-«Aıyrmashylyǵymyz - men aryqtaý kelgenmin, Erdos boıshań jáne maǵan qaraǵanda deneli»,-dep bastady suhbatty Jandos.

-«Uqsastyqtarymyz kóp... Qaı jerde bolmasyn qyzmette, kóshede bizdi bári shatastyrady, keıde tanymaı jatsaq renishterin bildirip jatady»- deıdi,

Jandos kúlip.

Bul salaǵa ekeýi de adamdarǵa kómek kórsetkendikti unatqandyqtan keldi.

- «Menińshe, bul eń aldymen óte qyzyqty jumys. Alǵash ret órt bolyp jatqan jerge kelip, qyzyl jalynmen arpalysý sátin kórgen kezde qulshynysyń oıanady, bári qyzyq kórinedi. Alaıda, adamdarǵa

kómektesý, olardy qutqarý keremet emes pe?»,- deıdi Erdos.

Jandos Erdostan 11 mınýt aıyrmashylyqta úlken. Egizder bos ýaqytynda sportpen shuǵyldanǵandy unatady. Sebebi bul salaýatty ómir salty ǵana emes, qutqarýshy salasynda júrgendikten qutqarýshy qyzmeti shapshańdyqty, eptilikti, myqty densaýlyqty qajet etedi.

-Aǵańyz qutqarýǵa shyqqanda, siz sezesiz be?

Jandos: joq, sezbeımin.

Erdos: alańdaımyn.

-Baýyryńyzdy sıpattap berińizshi?

Jandos: shıraq, minezdi, ımandy, kóńildi.

Erdos: jumsaqtaý, tik minezdi, baýyrmashyl, qonaqjaı, balajandy adam.

-Sóılemdi jalǵastyryńyz «Men baýyrym úshin...?»

Jandos: Baýyrym úshin janymdy berem.

Erdos: Baýyrym úshin barymdy beremin.

Suhbattaryńyzǵa raqmet!