Qaraǵandy oblysynda bıznesti damytýǵa 4,1 mlrd teńge bólindi

QARAǴANDY. QazAqparat – 2021 jyly Qaraǵandy oblysynda «Bıznestiń jol kartasy - 2025» memlekettik baǵdarlamasyn júzege asyrýǵa 4,1 mlrd teńge bólindi, bul ótken jylmen salystyrǵanda 1,5 esege artyq, dep habarlaıdy QazAqparat.

Óńir ákimdiginiń aqparatyna súıensek, bul sýbsıdııalar, kepildikter men granttar túrinde 400 kásipkerdi qoldaýǵa múmkindik beredi.

«Sondaı-aq, bıyl «Bastaý Bıznes» jobasy boıynsha 1 500 adamdy oqytý josparlanýda. «Eńbek» jáne «Qarapaıym zattar ekonomıkasy» baǵdarlamalary boıynsha 420 joba qarjylaı qoldaý tabady.

Bıznesti qoldaýdyń memlekettik baǵdarlamalaryn iske asyrýdyń arqasynda 2021 jyly 2 500 jumys orny qurylady», - delingen málimette.