Qaraǵandy oblysynda bir jylda qansha júkti áıel koronavırýstan qaıtys boldy

QARAǴANDY. QazAqparat – Medıtsına salasyn damytýdyń problemalary men áleýeti ákimdiktiń onlaın otyrysynda talqylandy. Óńir basshysy Jeńis Qasymbek áleýmettik jelilerdegi turǵyndardyń statsıonarlardaǵy jaǵdaı, tamaqtaný sapasy men medıtsınalyq qyzmetkerlerdiń qarym-qatynasyn synǵa alǵan habarlamalaryna nazar aýdardy, dep habarlaıdy QazAqparat tilshisi.

«Tamaqtaný, qyzmet kórsetý sapasymen teńestirgen kezde dárigerlerdiń qyrýar eńbegi joıylyp ketedi. Pandemııa kezinde aldyńǵy qatardaǵy dárigerler úlken jumys júrgizýde, al medıtsına salasyndaǵy sheneýnikter problemalardy kórmeıdi nemese kózderin jumǵan. Siz turǵyndardyń jazǵanyn oqymaısyzdar degen pikir bar. Bul máselede tártip ornatyńyzdar, merdigerlermen jumys isteńizder, monıtorıng, taldaý, patsıentterge saýalnama júrgizińizder», – dedi Jeńis Qasymbek.

Densaýlyq saqtaý basqarmasynyń basshysy Gamal Toqsambaev bul máseleni moıyndap, patsıentterdi qoldaý qyzmetterin qaıta uıymdastyrý josparlary týraly aıtyp berdi. Jaqyn arada olardyń jumysyn baqylaý baıqaý keńesine bekitiletin bolady, oǵan jurtshylyq ókilderi men máslıhat depýtattary kiredi.

Búginde óńirde týberkýlez ben onkologııalyq aýrýlardan bolatyn ólim-jitimniń tómendeýi baıqalady.

Bul rette ana men bala ólimi máselesi ótkir kúıinde qalyp otyr. Ótken jyly jeti júkti áıel koronavırýstan qaıtys boldy.

Mundaı joǵary kórsetkishterdiń sebepteri men olardy joıý ádisterin Gamal Toqsambaev túsindirdi.

«Birinshiden, bul bosandyrý qyzmeti mamandarynyń tapshylyǵy men biliktiliginiń jetkiliksiz deńgeıi, sondaı-aq onyń bólimsheleriniń jetkiliksiz jaraqtandyrylýy. Emhanalarda medıtsınalyq kómekti uıymdastyrý, onyń ishinde onyń sózsiz qoljetimdiligi men ýaqtylylyǵyn qamtamasyz etý boıynsha máseleler bar. Atalǵan problemalardy sheshý Qaraǵandy oblysynda 2022 jylǵa arnalǵan densaýlyq saqtaý júıesin damytý jobasynyń negizine aınaldy», – dep habarlady Gamal Toqsambaev.

Іri medıtsınalyq uıymdar zamanaýı tehnıkamen jabdyqtalatyn bolady. Rezıdentýrada dıplomnan keıingi bilim alatyn mamandar sany artady.

Bıyl «Ana men balany qorǵaý» baǵyty boıynsha 26 rezıdent shyǵarylady.

Bul rette dárigerler tapshylyǵy máselesin sheshý kezinde qyzmettik turǵyn úımen qamtamasyz etý birinshi orynǵa qoıylady.

2021 jyly jas mamandar 199 jaıly páter aldy. Bıyl kem degende 200 páter beriledi.

Densaýlyq saqtaý ınfraqurylymyn jetildirý jalǵasady. 200 tósektik oblystyq kópbeıindi balalar aýrýhanasynyń qurylysy aıaqtalýda.

Oblystyq onkologııalyq dıspanserdiń operatsııalyq-reanımatsııalyq blogy aıaqtalady. Bul operatsııalar sanyn jylyna 1000-ǵa arttyrýǵa múmkindik beredi.

Qadamdyq qoljetimdilikte bes emhana ashý josparlanýda. «Qazaqmys» korporatsııasymen Sátbaev qalasynda konsýltatsııalyq-dıagnostıkalyq ortalyq salý týraly kelisimge qol jetkizildi.

Aýyldyq jerlerde densaýlyq saqtaýdy damytý boıynsha da josparlar bar. Bıyl taǵy tórt feldsherlik-akýsherlik pýnkt salynady.