Qaraǵandy oblysynda bir aı buryn joǵalǵan er adamnyń denesi tabyldy

QARAǴANDY. QazAqparat – Nura aýdanynyń Kárim Myńbaev aýylynan shyǵyp, joǵalyp ketken 63 jastaǵy er adamnyń denesi tabyldy, dep habarlaıdy QazAqparat TJM resmı ókili Talǵat Ýálıge silteme jasap.

«5 mamyrda Nura aýdanynda júrgizilgen uzaq ýaqyt izdestirý nátıjesinde Qaraǵandy oblysy TJD qutqarý bólimsheleri Tassýat aýylynyń mańynda 8 sáýirde joǵalyp ketken 1958 jylǵy N.H. Súleımenovtiń denesin tapty. 10 sáýir men 5 mamyr aralyǵynda Nura ózeniniń arnasynda izdeý jumysy barlyq tásildi qoldana otyryp júrgizilgen. Taldaý ádisimen 32 shaqyrym jer, eholotpen 23 shaqyrym jer tekserildi, kózben sholyp 75 shaqyrym tekserildi, kvadrokoptermen 35 shaqyrym tekserildi», delingen habarlamada.

Joǵalǵan adamdy izdeýge kóptegen maman jumyldyrylǵan.

«Jaıaý júrip Nura ózeniniń 45 shaqyrym arnasy zertteldi. TJD kınologııalyq toptary 18 shaqyrymdy, 170 shaqyrymnan asatyn ózen arnasynyń sý beti qaıyqpen tekserildi. Іzdeý jumysyna tikushaq ta tartyldy. Budan basqa, aerovızýaldy tekserý úshin motoparaplandar tartyldy, olarmen shamamen 30 shaqyrymdy tekserdi.

Ózendegi izdeý jumysyna onyń aýqymdylyǵy, túbiniń relefi kúrdeli bolǵany, shuńqyrlardyń kóptigi, laı sý astynda kórý múmkindiginiń bolmaýy, ósimdikterdiń kóptigi kedergi keltirdi», delingen habarlamada.

Qutqarýshylar úmit úzbeı, izdeý jumysyn jalǵastyrdy. Marqumnyń denesi kólik tabylǵan jerden 4 shaqyrym qashyqta sýdyń ortasyna qaraı 50 metr jerden tabyldy.