Qaraǵandy oblysynda Balqash kóline balyq jiberý jalǵasýda

BALQASh. QazAqparat – Balqashqa balyq jiberý jyl saıyn júrgiziledi. Resýrstar taýsylmas úshin qordy toltyrýdyń mańyzy zor. Bıyl kólge 120 myńnan astam tuqy men sazan shabaqtary jiberildi, dep habarlaıdy QazAqparat tilshisi.

Jumystar jylyna bir ret júrgiziledi. Mamandardyń aıtýynsha, kúz aılary balyqtandyrýdyń eń qolaıly maýsymy. Tabıǵı faktorlardy eskere otyryp, bul ýaqytta balyqtyń ómirsheńdik deńgeıi shamamen 70% quraıdy.

«Bıyl Qaraǵandy oblysynyń aýmaǵyndaǵy Balqash kóline 122 myń shabaq jiberildi. Bul úı jaǵdaıynda ósirilgen tuqy jáne ómirsheńdi polımorfty sazan, ol balyq jiberý maqsatynda alǵash ret qoldanyldy. Jumystar jalǵasýda», - dedi Balyq sharýashylyǵy ǵylymı-óndiristik ortalyǵy Balqash fılıalynyń dırektory Erkinbek Qumataev.

Balqash kólinde kásipshilik jáne áýesqoılyq balyq aýlaý belsendi júrgiziledi. Óńir boıynsha alty iri balyq sharýashylyǵy kásiporny jumys isteıdi.