Qaraǵandy oblysynda baǵanyń negizsiz ósýin habarlaıtyn qaýyrt jeli jumys isteıdi

QARAǴANDY. QazAqparat - Búgingi tańda iri sýpermarketter men bazarlardaǵy azyq-túlik baǵasy burynǵy deńgeıde tur. Qant baǵasy ǵana sál ósken. Bul Belarýstegi óndirýshi zaýytta ónimniń qymbattaýyna baılanysty. Ol jaıly Kásipkerlik basqarmasynyń basshysy Tatıana Ablaeva málimdedi, dep habarlaıdy QazAqparat tilshisi.

Soǵan qaramastan, jaqyn arada qant baǵasynyń aıtarlyqtaı artýy bolmaıdy. Oblystyq turaqtandyrý qorynda 200 tonna qant bar, ol qajet bolǵan jaǵdaıda áleýmettik pavılondar men sýpermarketterge jetkiziletin bolady.

«Baǵa monıtorıngi jáne áleýmettik mańyzy bar ónimderdiń dúken sórelerindegi baǵasy saıyn baqylaýda ustalyp otyr. Birinshi kezekte oblys halqynyń 80%-yn qamtıtyn iri bólshek saýda jelileri nazarda. Qazirgi ýaqytta óńir turǵyndary ortasha normadan úsh ese artyq basty azyq-túlikti satyp alýyna baılanysty, taýardy bólshek saýda jelisine qaptaýǵa qatysty jáne logıstıkaǵa baılanysty azdaǵan kidirister bolýy múmkin», - dep atap ótti Tatıana Ablaeva.

Qaraǵandy óńiriniń turǵyndary áleýmettik mańyzy bar taýarlardyń joqtyǵyna jáne baǵanyń negizsiz ósýine qatysty málimdemeler jaıly qaýyrt jeli arqyly shaǵymdanýǵa bolady. (8 -7212) 50 -76 -39 jáne (8 -7212) 42 - 12 -13.