Qaraǵandy oblysynda azyq-túlik sýpermarketteri táýlik boıy jumys isteıdi
Qaraǵandy oblysynyń Sanıtarııalyq-epıdemıologııalyq baqylaý departamenti Qazaqstan Respýblıkasynyń aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııa otyrysynyń hattamasyna sáıkes, buqaralyq is-sharalardy (merekelik is-sharalardy, sporttyq-buqaralyq, oıyn-saýyq mádenı-buqaralyq is-sharalardy, konferentsııalardy, semınarlardy, kórmelerdi, forýmdardy, sondaı-aq otbasylyq, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy uıymdastyrýǵa jáne ótkizýge tyıym salý jóninde sheshim qabyldanǵany týraly málim etti.
«2020 jylǵy 25 jeltoqsan men 2021 jylǵy 5 qańtar aralyǵyndaǵy kezeńde jańajyldyq erteńgilikterdi, merekelik korporatıvterdi uıymdastyrýǵa jáne ótkizýge tyıym salyndy.
Saýda, oıyn-saýyq ortalyqtarynda, saýda úılerinde, saýda jelilerinde, jabyq azyq-túlik jáne azyq-túlik emes bazarlarda (jeke úı-jaılarda) ornalasqan qoǵamdyq tamaqtandyrý obektileriniń (zalda 50-den aspaıtyn otyratyn orny bar) qyzmeti kelesideı uıymdastyrylady: nysannyń tolymdyǵy 30%-dan aspaýy tıis; bir kelýshige 4 sharshy metr aýmaqtan kelýi qajet; ujymdyq is-sharalardy ótkizýge ruqsat joq. Jumys ýaqyty – jumys kúnderi, mereke jáne demalysta saǵat 00.00-ge deıin.
Sondaı-aq áleýmettik qashyqtyqty, maskalyq rejımdi, kúsheıtilgen sanıtarııalyq-dezınfektsııalyq rejımdi saqtaı otyryp, fýd-korttardyń tamaqty tek shyǵarýǵa jáne jetkizýge, tamaqtaný zalyn uıymdastyrmaı, ústelderdi ornalastyrmaı, jumys isteýge ruqsat etildi.
Budan basqa, qoǵamdyq tamaqtaný obektileriniń tamaqty jetkizý jáne ózimen alyp ketý boıynsha jumys ýaqytynan shekteý alynyp tastaldy.
Azyq-túlik sýpermarketteri men dúkenderiniń (birinshi qajettiliktegi taýarlardy satý quqyǵymen) – jumys ýaqyty shekteýsiz bolady.
Qaýlynyń tolyq mátini.