Qaraǵandy oblysynda aýyl turǵyndarynyń 90% ınternetke qol jetkizedi

NUR-SULTAN. QazAqparat - Qaraǵandy oblysynda aýyl turǵyndarynyń 90% aldaǵy eki jylda ınternetpen qamtamasyz etedi. Birinshi kezekte dúnıejúzilik jelige mektepter, aýrýhanalar jáne basqa da memlekettik mekemeler qosylady, dep habarlaıdy oblystyq ákimdiktiń baspasóz qyzmeti.

Kelesi jyldyń ózinde «Qazaqtelekom» kompanııasy memlekettik-jekeshelik áriptestik baǵdarlamasy boıynsha 250-den astam adam turatyn oblys aýyldaryna talshyqty-optıkalyq berý jelilerin salýdy bastaıdy. Eń aldymen ınternet memlekettik mekemelerde: mektepterde, aýrýhanalarda, ákimdikterde, halyqqa qyzmet kórsetý ortalyqtarynda jáne t.b. paıda bolady.

«Osy aýyldardyń, sondaı-aq mańaıdaǵy, usaq kentterdiń turǵyndary da ınternetti paıdalana alady. Olar úshin maksımaldy qamtý aımaǵynda sekýndyna 20-30 megabıtke deıingi jyldamdyqpen 4G jelileri qol jetimdi bolady. Modemderdi satyp alý qajet», - dep túsindirdi «Qazaqtelekom» AQ Qaraǵandy aımaqtyq Magıstraldi jeli ýchaskesiniń tehnıkalyq dırektory Igor Lıalın.

Qazir óńirde aýyl turǵyndarynyń 44%-y jyldam ınternetti paıdalana alady. 2022 jylǵa qaraı bul san 90%-ǵa deıin ósedi.