Qaraǵandy oblysynda astyq jınaý naýqany bastaldy

QARAǴANDY. QazAqparat - Qaraǵandy oblysynyń úsh aýdanynda astyq jınaý naýqany bastaldy, dep habarlaıdy QazAqparat tilshisi.

«Abaı, Jańaarqa jáne Nura aýdandarynyń birneshe sharýa qojalyqtary astyq jınaýǵa kiristi. Qalǵan aýdandarda bul is aýa raıyna baılanysty ázirge toqtatylyp tur. Qyrkúıektiń alǵashqy on kúninde oblys boıynsha túgeldeı astyq jınaı bastaımyz», - dedi Qaraǵandy oblysy Aýyl sharýashylyǵy basqarmasy basshysynyń orynbasary Syrym Boshpanov.

Basqarmada málim etkendeı, bıyl 1 gektardan ortasha eseppen 11 tsentner jınaý josparlanǵan. Ótken jyly bul kórsetkish sál tómen bolǵan, ıaǵnı 1 gektardan ortasha eseppen 10,6 tsentr jınalǵan.

Eske salaıyq, Qaraǵandy oblysynda egis naýqany bastalǵaly 824,2 myń gektarǵa dándi jáne dándi-burshaqty daqyldar egý josparlanǵan edi: onyń 615,9 myń gektaryna bıdaı, 20,35 myń gektarǵa suly bolǵan.