Qaraǵandy oblysynda Ashyq júıesimen 1 700-den astam bıznes nysany jumys isteıdi
15:18, 22 Shilde 2021
QARAǴANDY. QazAqparat – Qaraǵandy oblysynda Ashyq júıesine saýda úıleri men avtovokzal qosyldy. Búgingi tańda óńirde kelýshilerdiń mártebesin anyqtaıtyn qosymshamen 1 721 bıznes nysany jumys isteıdi, dep habarlaıdy QazAqparat tilshisi.
Óńirlik kásipkerler palatasynyń aqparaty boıynsha, oblysta Ashyq 65 saýda-oıyn-saýyq ortalyǵynda qoldanylady. Ǵımaratqa kirý – «jasyl» jáne «kók» mártebeleri arqyly ǵana ruqsat etiledi.
Qosymshanyń arqasynda maýsym aıynan bastap «qyzyl» mártebesi bar 228, «sary»mártebesi bar 401 kelýshi anyqtaldy.
«Kire beriste Ashyq arqyly kúzetshiler barlyq kelýshilerdiń mártebesin tekseredi. Eger jolaýshyda qosymsha ornatylmaǵan bolsa, onda JSN tirkeý qajet. Sondaı-aq, Ashyq ár tasymaldaýshy kompanııanyń avtobýstarynda bar», – deıdi Qaraǵandy avtovokzaly dırektorynyń orynbasary Gúlnár Muqatova.