Qaraǵandy oblysynda ań aýlaý maýsymy bastaldy
Ań aýlaýǵa shyǵý úshin qaraǵandylyqtar barlyq ruqsat beretin kelesideı qujattardy alýy qajet: ańshy kýáligi, atys qarýyn saqtaýǵa jáne paıdalanýǵa ruqsat, ańshylyq sharýashylyǵy sýbektisimen kelisimshart jáne ańshy qustar men ańshy ıtterdiń tólqujaty (eger olar ań aýlaýǵa tartylatyn bolsa).
Pandemııaǵa qaramastan, ań aýlaýǵa joldama alý sharttary ózgerissiz qaldy.
«Ańshylyq qoǵamdastyǵy bizde konservatıvti bolǵandyqtan, biz joldama alý mehanızmin ózgerissiz qaldyrýdy sheshtik. Tek qana betperde bolýy kerek. Berý pýnktterinde barlyq sanıtarlyq talaptar da saqtalady. Óńirde barlyǵy 15 myńǵa jýyq ańshy bar, biraq olar joldamalarǵa úlken kezek jasamaıdy. Mysaly, bireýdiń kóshede óz kezegin kútip otyrǵanyna shaǵym jasaǵan nemese dúrlikpe týyndaǵan jaǵdaılar bolǵan joq», - deıdi Qaraǵandy oblystyq orman sharýashylyǵy jáne janýarlar dúnıesi aýmaqtyq ınspektsııasynyń janýarlar dúnıesi jáne ańshylyq sharýashylyǵy bóliminiń basshysy Evgenıı Protas.
Inspektsııa qyzmetkerleri janýarlar álemine uqypty qaraý jáne ań aýlaýdyń belgilengen erejelerin saqtaý qajettigin eskertedi.
Joldamany alýǵa bolatyn mekenjaılardyń tolyq tizimin myna silteme boıynsha tabýǵa bolady.