Qaraǵandy oblysynda Almatydaǵy oqıǵadan qaza tapqandardy bir mınýt únsizdikpen eske aldy
09:48, 10 Qańtar 2022
QARAǴANDY. QazAqparat – Qaraǵandy oblysy ákimdiginde ótken apparattyq keńeste qyzmetshiler qaıǵyly oqıǵalar kezinde qaza tapqan quqyq qorǵaý organdarynyń, QR Ulttyq ulanynyń qyzmetkerlerin jáne elimizdiń beıbit turǵyndaryn bir mınýt únsizdikpen eske aldy, dep habarlaıdy QazAqparat tilshisi.
Óńir ákimi Jeńis Qasymbek oblys ákimdiginiń atynan qaza tapqan qazaqstandyqtardyń týǵan-týystary men jaqyndaryna kóńil aıtty.
«Osy qıyn-qystaý kúnderde oblystyń barlyq turǵyndary sizdermen qaıǵy-qasiretti bólisedi», - dedi Jeńis Qasymbek.
Eske sala keteıik, elimizdiń birqatar aımaqtaryndaǵy qaıǵyly oqıǵalardyń saldarynan quqyq qorǵaý organdarynyń, QR Ulttyq ulanynyń qyzmetkerleri jáne elimizdiń beıbit turǵyndarynyń qaza tabýyna baılanysty Prezıdent Qasym-Jomart Toqaev 10 qańtardy Jalpyulttyq aza tutý kúni dep jarııalaǵan bolatyn.