Qaraǵandy oblysynda áleýmettik mańyzy bar azyq-túlik qymbattady
Máselen, ótken jylmen salystyrǵanda qaraqumyq 300-den 405 teńgege deıin, qant 158-den 284 teńgege deıin, al suıyq maıdyń lıtri eki ese, ıaǵnı 325-ten 700 teńgege deıin qymbattady.
Baǵaǵa negizinen pandemııa jáne álemdik naryqtaǵy qymbatshylyq áser etedi, deıdi mamandar.
Degenmen, oblystyń turaqtandyrý qorynda 313 tonna áleýmettik mańyzy bar azyq-túlik taýarlary saqtalýda.
Aldaǵy kúnderi taǵy 272 tonna qant satyp alynady. Bul ónimder baǵany turaqtandyrý maqsatynda halyq kóp shoǵyrlanǵan qalalarǵa, oblys aýdandarynyń dúkenderine jetkiziledi.
Óńirde kartop pen sábiz de qymbattady. Eger kartoptyń quny 400 teńgeden asatyn bolsa, qazir onyń baǵasy 190 teńgege deıin tómendedi, óıtkeni ony eldiń ońtústik óńirlerinen jetkize bastady.
Sábiz baǵasy 500 teńgeden astam bolatyn. Alaıda búgingi kúni quny 320 teńgege deıin tómendedi.
- Búgingi tańda baǵalar ońtústik óńirlerden taýarlar jetkiziliminiń artýyna baılanysty tómendeýde. Baǵanyń tómendeýine ákeletin básekelestik bar. Mine, shildeniń ekinshi jartysynan, 20-nan bastap, ózimizdiń taýar óndirýshiler óz ónimderin shyǵara bastaıdy, - deıdi Qaraǵandy oblysy aýyl sharýashylyǵy basqarmasy basshysynyń orynbasary Syrym Boshpanov.