Qaraǵandy oblysynda akvamádenıetti damytý ortalyǵy qurylady

QARAǴANDY. QazAqparat – Qaraǵandy oblysynda akvamádenıetti damytý ortalyǵy qurylady. Balyq sharýashylyǵyn damytýdyń Memlekettik baǵdarlamasy aıasyndaǵy joba Qarasor kólinde júzege aspaq, dep habarlaıdy QazAqparat QR Ekologııa, geologııa jáne tabıǵı resýrstar mınıstrligine silteme jasap.

QR Ekologııa, geologııa jáne tabıǵı resýrstar mınıstrligi salany memlekettik qoldaý aıasyn keńeıtýde. Mınıstr Maǵzum Myrzaǵalıev Qaraǵandy oblysyna sapary sapary kezinde «Qaraǵandy bekire» JShS-na bardy.

2013 jyly qurylǵan bul kásiporyn jylyna 45 tonna taýarly balyq pen 4 tonna ýyldyryq óndire alady.

«2020 jyly memleket balyq óndirisine bas mán berdi. Negizgi basymdyqty anyqtap, alǵa naqty mindetti belgiledi. Barlyq jaqtan qoldaý bar. Endi bul osy kásippen aınalysamyn deýshilerge tıimdi bolmaq», - dedi «Qaraǵandy bekire» JShS bas dırektory Dmıtrıı Balandın.

Mınıstrliktiń málimetinshe, elimizdegi balyq sharýashylyǵy jylyna 600 myń tonna balyq ónidirýge qaýqarly. Bul kórsetkishtiń 25 paıyzyna 2030 jyly, 45 paıyzyna 2040 jyly qol jetkiziledi.