Qaraǵandy oblysynda 750-deı ruqsat etilmegen qoqys orny joıyldy
Qatty turmystyq qaldyqtardy ruqsatsyz saqtaý oryndary kosmomonıtorıngtiń kómegimen anyqtalady. Bul jaıly Qaraǵandy oblysynyń Ekologııa departamentiniń basshysy Qanat Musaparbekov Óńirlik kommýnıkatsııalar qyzmeti platformasynda ótken brıfıngte aıtty.
«Jyldan jylǵa oblys boıynsha ruqsat etilmegen polıgondardyń azaıýy baıqalady. Máselen, Qaraǵandy, Temirtaý, Buqar jyraý, Osakarov aýdandary boıynsha qoqys úıindileriniń azaıýy baıqalady, – dedi Qanat Musaparbekov. — Buqar Jyraý aýdany, Qaraǵandy jáne Balqash qalasy ruqsat etilmegen qoqys úıindileriniń sany boıynsha antılıderler bolyp tabylady. Eger alǵashqy ekeýinde olardy joıý jumystary josparly túrde júrgizilse, Balqashta belgili bir qıyndyqtar bar».
Ekologııa departamentiniń basshysy keltirgen málimetke saı, ótken jyly Qaraǵandy oblysynda qaldyqtardy ornalastyrýdyń ruqsat etilmegen oryndaryn anyqtaý, joıý jáne boldyrmaý jónindegi is-sharalar jospary ázirlenip, bekitildi. Ákimdikter, polıtsııa departamenti jáne jerdi paıdalaný men qorǵaýdy baqylaý jáne memlekettik sáýlet-qurylys baqylaýy basqarmalary polıgondarmen birlesken kúres júrgizýge mindettendi.