Qaraǵandy oblysynda 700 shaqyrymnan astam avtojol jóndeledi

QARAǴANDY. QazAqparat - Qaraǵandy oblysynda bıyl oblystyq, aýdandyq jáne qalalyq mańyzy bar 734 shaqyrym avtojol jóndeledi, dep habarlaıdy QazAqparat tilshisi.

Qaraǵandyda 50 kóshe retke keltiriledi. Chetskaıa men Pıchýgın kóshelerinde kúrdeli jóndeý bastalady.

Ortasha jóndeý Buqar jyraý dańǵyly boıynsha: Volochaevskaıadan Goncharnaıa kóshesine deıin, Ermekov kóshesinen Ábdirov dańǵylyna deıin jáne Nazarbaev dańǵylynan Chkalov kóshesine deıin.

Bóketov kóshesinde (Muqanov kóshesinen Úshtóbe aýylyna ótetin avtojolǵa deıin) jol salý jáne Kosmonavttar kóshesin qaıta jańartý jalǵasady.

Bıyl 15-shi magıstraldi – 7-shi magıstraldan «Búrkit» kafesine deıin ortasha jóndeý aýyspaly jobasy aıaqtalady.

Jol jóndeýden basqa, Qaraǵanózek (Úlken Mıhaılovka) stantsııasynyń aýdanynda temirjol arqyly jaıaý júrginshiler kópiri salynady.

Bul jergilikti turǵyndar úshin temirjol arqyly qaýipsiz ótýge múmkindik beredi.

Oblystyq joldarǵa keletin bolsaq, 317 km jáne 345 km aýdandyq mańyzy bar jáne eldi mekenderdiń kósheleri jóndeýmen qamtylady.

«Aýyl – el besigi» arnaıy jobasy boıynsha oblystyń tórt aýdanynyń – Abaı, Buqar jyraý, Nura jáne Oskarov aýdandarynyń 23 aýylynda jol jóndeledi.

Óńirdegi jol-qurylys maýsymy 1 mamyrda bastalady.