Qaraǵandy oblysynda 6 myńnan astam bala tegin shyǵarmashylyq úıirmege qatysady

QARAǴANDY. QazAqparat – Qaraǵandy oblysynda 4 jastan 18 jasqa deıingi balalar úshin 24 baǵyt boıynsha 164 tegin shyǵarmashylyq úıirme jumys isteıdi. Onda 6 407 adam shuǵyldanady. Eń kóp suranysqa ıe úıirmeler - keskindeme, sýret salý, halyqtyq jáne zamanaýı bı, dep habarlaıdy QazAqparat tilshisi.

Shyǵarmashylyq tapsyrys boıynsha úıirmeler Qaraǵandy, Temirtaý, Shahtınsk, Jezqazǵan, Sátbaev, Saran, Jańaarqa jáne Shet aýdandarynda jumys isteıdi. Bul jaıynda Kenshiler mádenıet úıinde uıymdastyrylǵan brıfıngte aıtyldy.

Esterińizge sala keteıik, ónim berýshilerdiń qyzmetteri arnaıy ázirlengen artsport.edu.kz portalynda ornalastyrylady.

Balalar ata-anasynyń kómegimen shyǵarmashylyqtyń qandaı túrimen aınalysýdy tańdaıdy jáne sol saıtta ótinish beredi.

«Balalardy úıirmelerge horeografııa, vokal, poezııa, keskindeme, sýret salý, akterlik sheberlik, mýzykalyq aspaptarda oınaý, qoldanbaly shyǵarmashylyq jáne basqa da baǵyttar boıynsha anyqtaý úshin vaýcherlik júıe ázirlendi, oǵan sáıkes bos oryndar qyzmet kórsetýshini kórsete otyryp, vaýcher berý arqyly kezektilikke qaraı bólinedi. Ár bala eki úıirmege qatysa alady. Qazirgi ýaqytta balalardyń zańdy ókilderi 8 683 ótinish berdi. Onyń ishinde 7 873 vaýcher iske qosylyp, berildi», – dedi Mádenıet, arhıvter jáne qujattama basqarmasy basshysynyń orynbasary Erlan Neldibaev.

Memlekettik áleýmettik tapsyrys qaýymdastyǵynyń tóraǵasy jáne «Altyn Batyr» stýdııasynyń jetekshisi Lana Bolat shyǵarmashylyq tapsyrys baǵdarlamasyna qatysý úshin kásipkerler belgili bir ólshemderge sáıkes kelýi kerektigin atap ótti. Mysaly, sabaqqa qajetti kommertsııalyq bólme bolýy kerek.

«Meniń alǵashqy stýdııalarym Nur-Sultanda ashyldy, biraq men qaraǵandy týmasymyn. Jan basyna qarjylandyrý baǵdarlamasyn iske qosqan kezde men shyǵarmashylyq balalarymen tanymal Qaraǵandy qalasynda da óz keshenimdi ashýǵa bel býdym. Munda talantty jastar óte kóp. Burynǵy meıramhanadan biz bı synybyn jasadyq. Qazir bizde buryn mundaı múmkindikke ıe bolmaǵan balalar kóp. Jáne de bul óte keremet jańalyq!» - deıdi Lana Bolat.

Memlekettik tapsyrys boıynsha shyǵarmashylyq úıirmeler de erekshe balalardyń damýyna kómektesedi. Olar ıntegratsııalanǵan toptarda, ıaǵnı normatıptik balalarmen birge aınalysady.

«Bizdiń balalar hormen án aıtý, sýret salý, úıirmelerine, shyǵarmashylyq sheberhanaǵa barady. Konkýrstarǵa da qatysady. Olardyń qarym-qatynasqurý jáne damýy joǵarylap keledi. Buryn bizdiń balalarymyzben tegin aınalysqysy keletinder az bolatyn jáne mundaı qoljetimdilik bolmaǵan», - dep atap ótti «Batyl jyreq» QQ ókili Tatıana Sokovyh.

Osylaısha, memleket shyǵarmashylyq tapsyrys baǵdarlamasymen balalardy ǵana emes, kásipkerlerdi de qoldaıdy.

Oǵan bızneste tájirıbesi bolmasa da, shyǵarmashylyq pán oqytýshylary qatysa alady.