Qaraǵandy oblysynda 5 ga jerde ósip turǵan qarasora alqaby anyqtaldy
Tyıym salynǵan ósimdikti anyqtaý jáne joıý boıynsha operatsııa «Karasora-2022» jedel-aldyn alý is-sharasy aıasynda júrgizildi. Óńirdiń polıtsııa qyzmetkerleri respýblıka aýmaǵyndaǵy esirtkiniń ósimdik-shıkizat bazasyn joıý, shetelden esirtki jetkizý arnalaryn jabý, sondaı-aq quramynda esirtki bar ósimdikterdi ósirý jáne daıyndaý faktileriniń jolyn kesý jónindegi jumysty kúsheıtti.
Tártip saqshylary 5 qyrkúıekte Qaraǵandydan 10 shaqyrym jerde dalada jabaıy ósetin sora alqabyn tapty. Ol shamamen 5 gektar jerde ósip jatqan. Jergilikti polıtsııa qyzmetiniń, kınologııa qyzmetiniń mamandary ákimdik ókilderimen birlesip 2 myńnan astam sora butasyn joıdy.
«Polıtsııa qyzmetkerleri únemi úkimettik emes uıymdar, ákimdik jáne eriktilermen birlesip jabaıy qarasora ósimdikterin joıý jumystaryn júrgizip turady. Sondyqtan da biz qala turǵyndarynan ózderine tıesili aýmaqta osyndaı qarasora ósimdikterin anyqtaý jáne der kezinde joıý sharalaryn ótkizýdi suraımyz. Atalǵan ósimdik ósetin jer ýchaskesiniń ıeleri men paıdalanýshylary ony joıýǵa mindetti. Organnyń resmı nusqamasyn alǵannan keıin jabaıy qarasorany joıý jóninde sharalar qoldanbaý jeke tulǵalarǵa – 10 AEK (1 AEK – 3180 teńge), shaǵyn kásipkerlik sýbektilerine nemese kommertsııalyq emes uıymdarǵa – 40 AEK, orta kásipkerlik sýbektilerine – 70 AEK, iri kásipkerlik sýbektilerine – 100 AEK mólsherinde ákimshilik aıyppul salýǵa ákep soǵady», - dedi oblystyq PD esirtki qylmysyna qarsy is-qımyl basqarmasynyń aǵa jedel ýákili Nurym Sádýaqasov.
Foto: polisia.kz