Qaraǵandy oblysynda 4 myń gektarǵa jaıylǵan dala órti sóndirilip jatyr

ULYTAÝ. QazAqparat - Órt sóndirýshiler Qaraǵandy oblysynyń Ulytaý aýdanyndaǵy tabıǵı órtti sóndirip jatyr, dep habarlaıdy QazAqparat.

Tótenshe jaǵdaılar mınıstrliginiń baspasóz qyzmeti atap ótkendeı, ótken demalys kúnderi Qaraǵandy oblysynyń Ulytaý, Shet, Osakarov, Buqar jyraý aýdandarynda bir tabıǵı órt jáne tórt dala órti tirkelgen.

Jalpy aýmaǵy 142 gektardy quraǵan barlyq dala órti sóndirildi.

Qutqarýshylar Qaraǵandy oblysynyń Ulytaý aýdanyndaǵy tabıǵı órtti sóndirýdi jalǵastyryp jatyr. Aldyn ala aýmaǵy - 4 000 ga.

Órtti sóndirýge Qaraǵandy oblysy TJD, jergilikti atqarýshy organdarynyń, orman sharýashylyǵynyń kúsh-quralymdary, órtke qarsy erikti qurylymdar jáne jergilikti turǵyndar jumyldyryldy.

Olardyń jalpy sany - 229 adam men 66 tehnıka.

Eldi mekenderge qaýip joq.