Qaraǵandy oblysynda 36 myńnan astam adam Pfizer vaktsınasyn saldyrǵan

QARAǴANDY. QazAqparat – Qaraǵandy oblysynda halyqtyń barlyq sanattaryna «Komırnatı» (Pfizer) preparatymen vaktsınatsııa jáne revaktsınatsııa jasaı alady, dep habarlaıdy QazAqparat tilshisi.

Vaktsına salýdy 12 jáne odan asqandarǵa alýǵa bolady. Sondaı-aq vaktsına Qazaqstan aýmaǵynda úsh aı jáne odan kóp turatyn shetel azamattaryna qoljetimdi. Bul týraly oblystyq densaýlyq saqtaý basqarmasy óziniń Instagram paraqshasynda habarlady.

«Atalǵan preparatpen vaktsınatsııa ortalyqtarynda ekpe jasatýǵa bolady (vaktsına mólsheri jetkilikti). Qazirgi ýaqytta aımaqta vaktsınatsııa jáne revaktsınatsııa protsedýrasy sondaı-aq Vero Cell preparatymen (Sinofarm shyǵarǵan) júzege asyrylady», – delingen habarlamada.

Búgingi tańda Pfizer (Komırnatı) vaktsınasynyń birinshi komponentin 36 838 adam aldy. Tolyq kýrstan óńirdiń 28 926 turǵyny ótti.