Qaraǵandy oblysynda 31 myńnan astam adam qar tazalaýǵa shyqty

QARAǴANDY. QazAqparat - Qaraǵandy oblysynyń barlyq qalalary men aýdandarynda 30 myńnan astam adam Birgemiz aktsııasyna qatysty. Olardyń qatarynda óńirdiń belsendi turǵyndary, kásipkerler men memlekettik qyzmetkerler bar, dep habarlaıdy QazAqparat.

Oblys ákimdiginen málim etkendeı, aktsııa barysynda jas volonterler erekshe belsendilik tanytty.
Jalpy oblys boıynsha kósheler men aýlalardan 40 myń tekshe metr qar shyǵaryldy.
«Óńirde volonterlyqty damytý – óte mańyzdy mindet. Biz óz aýlasyn tazalaı almaıtyn ardagerlerge, jalǵyzbasty zeınetkerlerge, múmkindigi shekteýli adamdarǵa kómektesemiz. Aýdandar men qalalardyń ákimdikteri óz kezeginde osy mekenjaılardan qar shyǵarý jumystaryn uıymdastyrdy», - dedi Qaraǵandy oblysy Jastar isi jónindegi basqarmanyń basshysy Nurjan Jetpisbaev.
«Men balalarǵa óte rızamyn. Bizdiń aýlany qalyń qar basyp ketti, tipti úıden de shyǵa almaı qaldyq. Al olar kómekterin kórsetti. Bul – óte qajetti aktsııa. Ony oılap tapqan adamdarǵa rahmet aıtamyz», - dedi zeınetker Tatıana Nazarova.
Qala jáne aýdan ákimdikteriniń aqparaty boıynsha, aktsııaǵa 31 myńnan astam adam jáne 1643 kásiporyn men uıym qatysty. Ortalyq kóshelerden, saıabaqtardan, gúlzarlar men jaıa júrginshiler joldarynan qar tazalaý jáne shyǵarý úshin 803 birlik arnaıy tehnıka tartyldy.