Qaraǵandy oblysynda 28 adam mingen avtobýs qar qursaýynda qaldy
14:34, 25 Naýryz 2023
QARAǴANDY. QazAqparat – Qaraǵandy oblysynda jolaýshylar avtobýsy qar qursaýynda qalyp qoıdy, dep habarlaıdy QazAqparat.
25 naýryzǵa qaraǵan túni Qaraǵandy oblysynyń Osakarov aýdanynda jergilikti mańyzy bar «Prııshımskoe aýyly – Shoqaı kenti» jolynda jolaýshylar avtobýsy qar qursaýynda qalǵan. Astana-Almaty baǵytynda bet alǵan avtobýs Osakarov aýdanynan 50 shaqyrym jerde toqtap qalǵan.
«Oqıǵa ornyna Tótenshe jaǵdaılar departamentiniń kúshteri jiberildi. Órt sóndirýshi-qutqarýshylar avtobýstan 28 adamdy, onyń ishinde bir balany Osakarov aýylyna evakýatsııalady. Jolaýshylardyń biri densaýlyǵyna baılanysty aýrýhanaǵa jetkizildi. Qalǵandary medıtsınalyq kómekti qajet etpedi.
Qaraǵandy oblysy TJD qolaısyz kún raıy kezinde túngi ýaqytta alys jolǵa shyqpaýǵa keńes beredi», - delingen TJD baspasóz qyzmeti taratqan habarlamada.