Qaraǵandy oblysynda 19 júk vagony relsten shyǵyp ketti

ASTANA. QazAqparat – Qaraǵandy-Aqadyr ýchaskesiniń Qarabas stantsııasynda júk poıyzynyń 19 vagony relsten shyǵyp ketken, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.

Búgin, 28 jeltoqsanda saǵat 7:45-te Qaraǵandy-Aqadyr ýchaskesiniń Qarabas stantsııasynda júk poıyzynyń 19 vagony relsten shyǵyp ketti. Zardap shekkender joq.

Aldyn ala málimetter boıynsha, vagondardyń joldan shyǵyp ketýi jeke menshik ıesine tıesili birinshi astyq tasymaldaýshy dońǵalaq jubynyń keptelisine baılanysty boldy. Jaǵdaıdy tekserý úshin «QTJ» UK» AQ-da arnaıy komıssııa quryldy.

Osy ýchaskedegi poıyzdar qozǵalysy kórshi jolmen uıymdastyrylǵan. Qaraǵandy, Qulaıǵyr stantsııalary boıynsha eki jolaýshylar poıyzy kidirildi. Vagondardyń joldan shyǵýy saldaryn joıý úshin Qaraǵandy, JańArqa, Astana stantsııalarynyń úsh qalpyna keltirý poıyzy tartyldy.

Foto: instagram.com/ekaraganda.kz