Qaraǵandy oblysynda 17 jańa lıfti ornatyldy

QARAǴANDY. QazAqparat – Jyl basynan beri Qaraǵandy oblysynda 17 jańa lıft ornatyldy. 3 jyl aralyǵynda barlyǵy 361 jedel satyny aýystyrý josparlanyp otyr, dep habarlaıdy QazAqparat tilshisi.

Bıyl jáne kelesi jyly Qaraǵandy oblysynda 120 jedel saty ornatylmaq, al 2022-shi jyly –121 lfti jańartylady.

Esterińizge sala keteıik, óńirde ótken jyldan bastap lıfti ornatý boıynsha aýqymdy baǵdarlama bastalǵan bolatyn. Qaraǵandy oblysynyń ákimdigi men «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ pılottyq jobany iske qosý týraly arnaıy memorandýmǵa qol qoıdy. Kelisim aıasynda Qazaqstandyq TKSh jańǵyrtý jáne damytý ortalyǵy 2 mıllıard teńge kóleminde nesıe berdi.

Úıde lıft ornatý úshin turǵyndar jıyn ótkizedi. Olarǵa baǵdarlamaǵa qatysý tártibi túsindiriledi. Eger kópshiligi jedel satyny jańartýǵa kelisetin bolsa, onda turǵyn úı lıft sharýashylyǵyn jańartý boıynsha pılottyq jobaǵa alynady.

Búginge deıin Qaraǵandyda (qala, Ońtústik-Shyǵys, Maıqudyq) jáne Temirtaýda 17 lıft aýystyryldy.