Qaraǵandy oblysynda 163 synyptyń oqýshylary karantınde

QARAǴANDY. QazAqparat – Mektepter oflaın-rejım aýysqaly oqýshylar arasynda koronavırýs juqtyrý jaıttary qanshalyqty artqanyn jáne qansha synyp karantınge jabylǵany týraly brıfıng barysynda Qaraǵandy oblysynyń sanıtarlyq-epıdemıologııalyq baqylaý departamentiniń basshysy ıÝrıı Zalygın málim etti, dep habarlaıdy QazAqparat tilshisi.

Oqýshylardyń dástúrli oqý formatyna kóshýine baılanysty Qaraǵandy oblysynda balalar men jasóspirimder arasynda COVID-19 shaldyǵý artqany baıqaldy. Aımaq boıynsha indetti juqtyrý jaǵdaılarynyń 20% astamy – 18 jasqa deıingi balalar.

Oblystyń bas sanıtarlyq dárigeriniń aıtýynsha, jańa oqý jyly bastalǵaly mektep oqýshylary arasynda vırýs juqtyrǵandardyń úlesi 0,9% qurady.

«Bir ınkýbatsııalyq kezeńde synyptardyń 30% astamynda vırýs juqtyrý tirkelgenin eskere otyryp, 13 mektepte 1-shi aýysym karantınge jiberildi.

Biraq qazir barlyq aýysymdar shtattyq oqytý formatyna oraldy. 5 qarashadaǵy jaǵdaı boıynsha, oblysta 163 synyp karantınde qalyp otyr.

Qabyldanǵan epıdemııaǵa qarsy jáne aldyn alý sharalary bilim berý uıymdarynda epıdemıologııalyq protsesti turaqtandyrýdy qamtamasyz etti. Sonymen qatar, eger 21-27 qazan aralyǵynda oqýshylar arasynda ortasha táýliktik aýrýshańdyq táýligine 20 adamdy qurasa, sońǵy aptada tek 16 jańa jaǵdaı tirkeldi», - dedi ıÝrıı Zalygın.

Aıta keteıik, bir oqýshyda koronavırýs anyqtalǵan jaǵdaıda búkil synyp úı karantınine jiberiledi. Al dál sol ujymda jańa jaǵdaılar anyqtalsa, oqshaýlaý kezeńi uzartylady.