Qaraǵandy oblysynda 15 kópbalaly otbasy baspanaly boldy

QARAǴANDY. QazAqparat - Oblystyń barlyq derlik qalalary men aýdandarynda kópbalaly analarǵa páter kiltteri tabys etildi. Memleket tarapynan berilgen jáne metsenattar syılaǵan jańa páterlerde 15 otbasy qonys toıyn atap ótti, dep habarlaıdy QazAqparat tilshisi.

17 mamyrda Qaraǵandy oblysynda 15 kópbalaly otbasy páter kiltterin aldy. Jańa baspanaǵa Balqash, Jezqazǵan, Qarajal, Prıozersk, Saran, Temirtaý, Abaı, Nura, Aqtoǵaı, Buqar Jyraý, Osakarov jáne Shet aýdandarynyń turǵyndary ıe boldy.

Qonys toıyn toılaýshylar arasynda Jezqazǵan qalasynyń turǵyny, 10 bala asyrap otyrǵan batyr ana Jańyl Bıdáýletovanyń otbasy da bar. Osyǵan deıin olar jalǵa alynǵan páterde turyp kelgen. Páter kezeginde 2005 jyldan beri turǵan edi. Endi otbasy jergilikti kásipker metsenattardyń arqasynda baspanaly bolyp otyr.

Al Saran qalasynda páter kilti kópbalaly ana Janar Qanapınaǵa berildi. Onyń joldasy sylaqshy bolyp jumys isteıdi, erli-zaıyptylar tórt bala tárbıelep otyr. Buryn otbasy páter jaldap turýǵa májbúr bolǵan. Endi mine, olardyń óz baspanasy bar.

Qaraǵandy oblysynda mamyrdyń sońyna deıin 133 kópbalaly otbasyna páter kilti tabystalady. Bıyl 560 kópbalaly otbasy óz baspanasyna qol jetkizedi dep josparlanǵan.