Qaraǵandy oblysynda 13 myń saılaýshy birinshi ret daýys beredi

QARAǴANDY. QazAqparat – Parlament Májilisine jáne barlyq deńgeıdegi máslıhattar saılaýyna Qaraǵandy oblysynda belsendi daıyndyq júrip jatyr. Búgingi tańda oblys boıynsha 761,5 myń saılaýshy tirkelgen. Onyń 13 myńy birinshi ret daýys beredi, dep habarlaıdy QazAqparat tilshisi.

Qaraǵandy oblystyq saılaý komıssııasynda memlekettik organdardyń ókilderimen birlesken otyrys ótti. Qalalar men aýdandardyń ákimderi, sondaı-aq túrli vedomstvolardyń ókilderi aldaǵy saılaýǵa daıyndyq týraly baıandady.

Óńirde 863 saılaý komıssııasy jumys isteıdi: oblystyq, aýmaqtyq, okrýgtik jáne ýchaskelik komıssııalar. Búgingi tańda 761,5 myń saılaýshy tirkelgen. Osy saılaýda 13 myń adam birinshi ret daýys beredi. Saılaýshylar tizimderi áli de qalyptastyrylyp jatyr.

Oblystyq saılaý komıssııasynyń tóraǵasy Qaırat Núrkenov túsindirgendeı, saılaýshyǵa bes bıýlleten beriledi. Blankiler túrli tústi bolady. Májilis depýtattaryn partııalyq tizimder boıynsha tańdaý úshin – kók, al bir mandatty okrýgter boıynsha – jasyl. Oblystyq máslıhat depýtatyna daýys berý úshin kúlgin jáne qyzǵylt sary tústi bıýlletender, qalalyq jáne aýdandyq máslıhattarǵa – sur tústi.

Oblys ákimi Ermaǵanbet Bólekpaev saılaý ýchaskelerin jaraqtandyrý jóninde tapsyrma berdi.

«Zańnamaǵa sáıkes ákimdikter saılaý ýchaskelerine saılaýshylar tizimin berdi. Saılaýshylar bazasyna adamdardyń jekelegen sanattaryn – stýdentter, vahtashylar, áskerı qyzmetshilerdi qosý boıynsha jumys júrgizildi. Azamattardy saılaý quqyǵyn iske asyrý múmkindikteri týraly habardar etý mańyzdy. Túsindirý jumystaryn kúsheıtý qajet. Múgedektigi bar jandar úshin saılaý ýchaskeleriniń qoljetimdiligin qamtamasyz etý erekshe nazarda», - dedi aımaq basshysy.

Oblystaǵy múgedektigi bar saılaýshylar sany – 50 485 adam. Olardyń arasynda erekshe qajettilikteri bar adamdar tirkelgen: arbamen júrip-turatyndar, kórý, estý jáne sóıleý qabileti nashar nemese múldem aırylǵan jandar. Barlyq sanattaǵy adamdar úshin saılaý ýchaskelerinde tıisti jaǵdaılar qarastyrylǵan.

Saılaýshylar tiziminen óziniń málimetterin tekserý úshin azamattarǵa birneshe tásil usynylady: ákimdikterdiń saıttarynda, sailau09.kz, sondaı-aq senim109 qyzmetine qońyraý shalý.

Aıta ketsek, oblys boıynsha saılaýǵa 665 kandıdat túsedi.

«Oblys boıynsha barlyǵy 665 kandıdat tirkeldi, onyń ishinde Májiliske eki bir mandatty okrýg boıynsha – 21. Barlyq deńgeıdegi máslıhattar depýtattary saılaýyna 644 adam túsedi. Bir depýtattyq mandatqa ortasha básekelestik 3, 4 úmitkerdken keledi», - dedi oblystyq saılaý komıssııasynyń tóraǵasy Qaırat Núrkenov.