Qaraǵandy oblysynda 10 aýylǵa ınternet tartý úshin bazalyq stansa ornatylyp jatyr
13:00, 04 Qarasha 2020
QARAǴANDY. QazAqparat – Qaraǵandy oblysynyń Buqar jyraý aýdanynda ınternetke qol jetkizý problemasy bar aýyldarda bazalyq stansalar ornatylyp jatyr. Eldi mekenderdi sapaly baılanyspen qamtamasyz etý úshin aýdandyq bıýdjetten qarajat bólindi, dep habarlaıdy QazAqparat tilshisi.
Birinshi kezeńde on aýyl qamtyldy. Jabdyqtar olardyń beseýine ornatyldy. Atap aıtqanda Jańatalap, Baıqadam, Kerneı, Úmitker jáne Andreınıkovka aýyldary. Tasshoqy men Jańaqalada jumys bastalyp ketken. Osy aptada Tsentralnoe, Baımyrza jáne Belaǵash eldi mekenderinde ornatý aıaqtalady.
Bul aýyldarda jıyny 12 327 adam turady.
Aýdan ákimdiginiń habarlaýynsha, 47 eldi mekende keń jolaqty ınternet bar. Jalpy alǵanda aýdan halqynyń 83,8% joǵary jyldamdyqty ınternetpen qamtamasyz etiledi. Jumys áli de jalǵasatyn bolady. Bazalyq stansalardy taǵy 12 aýylǵa ornatý josparlanyp otyr.