Qaraǵandy oblysynda 1-synypqa baratyn balalardyń jartysy qazaqsha bilim alady

QARAǴANDY. QazAqparat – Balalardy birinshi synypqa qabyldaýǵa qujat qabyldaý aıaqtaldy. Qaraǵandy oblysynda bolashaq birinshi synyp oqýshylarynyń ata-analary 17 myń ótinish berdi, dep habarlaıdy QazAqparat tilshisi.

«Qujat qabyldanǵan 4 aıda 17 myń ótinish qabyldandy, onyń 82% - elektrondy formatta. Balalardyń 53% qazaq tilinde oqytatyn synyptarǵa qabyldandy. Qazaq tilinde bilim alatyn synyptardyń basym bóligi Aqtoǵaı (94,6 %), Qarqaraly (88,5 %), Shet (88,2 %) aýdandarynda jáne Prıozersk (78,8 %) pen Balqash (76%) qalalarynda», – dep habarlady bilim basqarmasynan.

Eń kóp birinshi synyp oqýshylary Balqash, Qaraǵandy, Temirtaý, Shahtınsk qalalarynda, sondaı-aq Abaı, Buqar Jyraý, Qarqaraly jáne Shet aýdandarynda tirkeldi.