Qaraǵandy oblysyna Vero Cell vaktsınasy jetkizildi

QARAǴANDY. QazAqparat – Qaraǵandy oblysyna qytaılyq Vero Cell eki komponentti vaktsınasynyń 40 myń dozasy kelip tústi. Bul 20 myń turǵyndy ımmýndaý úshin jetkilikti. Vaktsına oblystyń barlyq aýdanyna taratylady, dep habarlaıdy QazAqparat tilshisi.

 Sinopharm kompanııasynyń Vero Cell vaktsınasy ınaktıvti. Ony óndirý úshin vaktsınalardy jasaýdyń standartty tehnologııasy qoldanylady, onda aýrýdy týdyrýy múmkin vırýstyń patogendik bóligi jansyzdandyrylady, biraq sonymen birge onyń denede qorǵanys antıdeneleriniń paıda bolýyn týdyratyn qabileti saqtalady. Ol anaǵurlym jeńilirek seziledi. Bul vaktsınamen eń aldymen qaýip tobyndaǵy adamdardy ımmýndaý usynylady. Vaktsına 18 jastan asqan adamdarǵa arnalǵan. 

«Vero Cell preparatynyń bir dozasy – 0,5 mıllılıtr. Vaktsınanyń eki dozasyn (árqaısysy 0,5 mıllılıtr) 3–4 apta aralyǵymen (21–28 kún) engizý usynylady. Aralyq nátıjeler COVID-19-ǵa qarsy 79,3% tıimdilikti jáne ortasha jáne aýyr jaǵdaılardyń aldyn-alýda 100% tıimdilikti kórsetedi», – dep atap ótti Qaraǵandy oblysy Densaýlyq saqtaý basqarmasynyń baspasóz qyzmeti.

Aıta ketý kerek, Vero Cell DDU-men maquldanǵan.