Qaraǵandy oblysyna qarasty kent turǵyndary eki apta sýsyz qalǵan

QARAǴANDY. QazAqparat - Qaraǵandy oblysyna qarasty Osakarovka kentiniń turǵyndary magıstraldaǵy kommýnaldyq apattyń saldarynan eki apta boıy aýys sýsyz qalǵan, dep habarlaıdy «QazAqparat» HAA tilshisi.

Osakarovka kentiniń ákimi Serik Ákimjanovtyń aıtýyna qaraǵanda, magıstraldaǵy qubyr jelisinde aýa keptelisi kommýnaldyq apatqa sebepshi bolǵan.

«Aýa keptesilisin úrleý arqyly tazartýǵa týra keldi. Qazirgi ýaqytta sý aýyl turǵyndaryna jete bastady», - deıdi kent ákimi.

Qyzmet kórsetýshi kompanııanyń stantsııasyndaǵy sorǵy qalypty jumys istep turǵandyqtan, apattyq qyzmet qubyrdyń qaı jerde zaqym kelgenin eki apta boıy izdegen.

«80-ge jýyq otbasy, ıaǵnı 200 adam sýsyz qaldy. Ár otbasyda balalar bar. Olarǵa kúndelikti tamaq berip, kıimin jýý kerek. Eger bizdiń qońyraýlar men shaǵymdarǵa ýaqtyly mańyz bergende, qubyrdaǵy másele 1-2 táýlikte sheshilip keter edi», - deıdi Natalıa Sábıtova.

Kent turǵyndary kúndelikti sharýashylyqqa jáne maldy sýarý úshin qardy eritýlerine týra kelgen. Al aýyz sýdy satyp alyp otyrǵan.