Qaraǵandy oblysy jergilikti polıtsııa úshin 50 mln teńgege beınetirkegish satyp alady

QARAǴANDY. QazAqparat - Qaraǵandy oblysy jergilikti polıtsııanyń jumysyn tıimdi etý úshin 50 mln teńgege vıdeotirkeý quraldaryn satyp alady. Bul týraly oblys ákimi Nurmuhambet Ábdibekov málim etti.

«Jyl basynan beri oblystyń barlyq aýdandarynda jergilikti polıtsııa qurylyp, polıtsııanyń 19 basshysy taǵaıyndaldy. Jańa quqyq qorǵaý organynyń shtatynda 2 700-den astam qyzmetker bar. Jergilikti polıtsııanyń qyzmeti úshin 350 kóshpeli vıdeotirkeý quralyn satyp alamyz, bul maqsatqa bıyl 52,5 mln teńge bólindi», - dep habarlady N.Ábdibekov aımaqtyq ortalyq kommýnıkatsııalar qyzmetiniń brıfıngisinde.

Onyń aıtýynsha, oblystyq ishki ister departamentiniń janynan konsýltatıvti-keńestik organ qurylǵan. Organ quramyna úkimettik emes uıymdar men máslıhat depýtattarynyń atynan 9 adam múshe bolyp otyr.