Qaraǵandy oblysy ishki saıasat basqarmasynyń basshysy taǵaıyndaldy

QARAǴANDY. QazAqparat – Konkýrstyq irikteý nátıjeleri boıynsha Qaraǵandy oblysy ishki saıasat basqarmasynyń basshysy bolyp Nurlan Bıkenov taǵaıyndaldy. Kadrlyq ózgerister týraly oblys ákimi Jeńis Qasymbek apparattyq keńeste málim etti, dep habarlaıdy QazAqparat tilshisi.

Nurlan Bıkenov eńbek jolyn 1991 jyly Nura aýdany Kýıbyshev atyndaǵy sovhozda jumysshysy bolyp bastaǵan. 1995 jyldan 2001 jylǵa deıin S. O. Taljanov atyndaǵy orta mektepte muǵalim bolyp jumys istedi.

2001 jyldan bastap memlekettik qyzmette. Nura aýdany ákimi apparatynyń ishki saıasat jáne áleýmettik sala bóliminiń Jastar isi jónindegi bas mamany boldy. Sodan keıin Qaraǵandy oblysy ishki saıasat departamentiniń saıası partııalarmen jáne qoǵamdyq jáne dinı birlestiktermen jumys jónindegi bóliminiń jetekshi, bas mamany jáne meńgerýshisi bolyp jumys istedi.

2007 jyly Qaraǵandy qalasynyń ishki saıasat bóliminiń bastyǵy laýazymyna taǵaıyndaldy. Odan keıin oblystyq ishki saıasat basqarmasy bastyǵynyń orynbasary boldy.

2010–2012 jyldary Osakarov aýdany ákiminiń orynbasary.

Keıingi jyldary oblystyq ishki saıasat basqarmasy basshysynyń orynbasary, sondaı-aq din isteri basqarmasyn basqardy.

2020 jyldyń qańtar aıynan bastap osy ýaqytqa deıin Qaraǵandy qalasy ákiminiń orynbasary qyzmetin atqardy.

Eske sala keteıik, Qaraǵandy oblysy ishki saıasat basqarmasyna jetekshilik etken Erlan Qusaıynov jýyrda Qarqaraly aýdany ákimi bolyp taǵaıyndalǵan edi.