Qaraǵandy oblysy boıynsha Sottar ákimshisiniń jańa basshysy taǵaıyndaldy

QARAǴANDY. QazAqparat – Qaraǵandy oblystyq sotynda ótken keńeste QR Joǵarǵy Soty janyndaǵy Sottardyń qyzmetin qamtamasyz etý departamentiniń basshysy Naıl Ahmetzakırov óńirdegi Sottar ákimshisiniń jańa basshysy Maqsat Isındi tanystyrdy. Bul týraly QazAqparat Qaraǵandy oblysy ákimdiginiń resmı saıtyna silteme jasap habarlaıdy.

Maqsat Isın 1986 jyly dúnıege kelgen. 2007 jyly «Quqyqtaný» mamandyǵy boıynsha E.A. Bóketov atyndaǵy QarMÝ-dy bitirdi. 2015 jyly «Ekonomıka jáne bıznes» mamandyǵy boıynsha Qaztutynýodaǵynyń QEÝ dıplomyn aldy.

2012-2018 jyldary Qaraǵandy oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynyń jetekshi mamany, №2 Ulytaý aýdandyq sotynyń aǵa sot prıstavy, sot otyrysynyń bas mamany-hatshysy, Qaraǵandy oblystyq sotynyń materıaldyq-tehnıkalyq qamtamasyz etý jáne memlekettik satyp alý basqarmasynyń bastyǵy boldy. Infraqurylymdy qamtamasyz etý jáne damytý bóliminiń bastyǵy bolyp jumys istedi.

Jańa qyzmetke taǵaıyndalǵanǵa deıin oblystyq sottar Ákimshisi basshysynyń orynbasary boldy.