Qaraǵandy oblystyq kitaphanasynyń basshysy: Saılaýǵa qatysý – árkimniń azamattyq paryzy
Búgingi Parlament Májilisi men barlyq deńgeıdegi máslıhattar saılaýyna №92 gımnazııada ornalasqan №21 saılaý ýchaskesine alǵashqy bolyp kelgenderdiń qatarynda Qaraǵandy oblystyq N.Gogol atyndaǵy ámbebap ǵylymı kitaphanasynyń jetekshisi Dına Amanjolova da boldy.
«Saılaýǵa qatysý, tańdaý jasaý bolashaǵymyz úshin mańyzdy. Elimizdiń bolashaǵyna alańdap, daýys berýge asyqqandar qatary kóp. Saılaý ýchaskesinde daýys berý sanıtarııa normalaryn qatań saqtaı̆ otyryp, ótip jatyr. Úgit-nasıhat jumystary kezinde ár partııanyń baǵdarlamasymen tolyq kólemde tanysýǵa múmkindikter jasaldy. Ár qazaqstandyq azamat partııalardyń maqsaty men josparyn bile otyra, óz tańdaýyn búgin jasaýda. Men elimizdiń baıandy bolashaǵy, turaqtylyǵy men tynyshtyǵy jáne qolǵa alynyp jatqan ister sońyna jetkizilýi úshin daýys berdim», - deıdi Dına Amanjolova.
Qaraǵandy oblysynda 778 saılaý ýchaskesi jumys isteıdi. Saılaý komıssııalarynyń quramynda 5 509 adam bar. Barlyǵy 920,4 myń daýys berýshi tirkelgen. Saılaý protsesin halyqaralyq uıymdar men aımaqtyq qoǵamdyq birlestikterdiń baıqaýshylary qadaǵalaıdy. Saılaý ýchaskelerinde saıası partııalardyń 3 myńǵa jýyq senimdi ókili bar.