Qaraǵandy men Ulytaý oblystarynda taýarlyq gaz baǵasy tómendeıdi

ASTANA. QazAqparat – Aqpanda Qaraǵandy men Ulytaý oblystarynyń tutynýshylary úshin taýarlyq gazdyń baǵasy 5%-ǵa deıin tómendeıdi. Bul týraly QazAqparat Tabıǵı monopolııalardy retteý komıtetine silteme jasap habarlaıdy.

Tabıǵı monopolııalardy retteý komıteti «QazTransGaz Aımaq» AQ-nyń atalǵan oblystardaǵy tutynýshylary úshin taýarlyq gazdy gaz taratýshy jeliler arqyly tasymaldaý qyzmetine ótinimi boıynsha júrgizgen tarıftik smeta shyǵyndarynyń baptaryn muqııat taldady. Sebep – TMRK Qaraǵandy oblysy boıynsha aýmaqtyq departamentiniń «QazTransGaz Aımaq» AQ-ǵa bekitken buryn qoldanysta bolǵan buıryǵy merziminiń ótýi jáne ótken kezeńdegi naqty shyǵyndardy usynýy.

Osylaısha, departament 2022 jylǵy 20 jeltoqsanda taýarlyq gazdy gaz taratýshy jeliler arqyly tasymaldaý qyzmetterine 2023 jylǵy 1 qańtardan bastap qoldanysqa engize otyryp, 1000 m3 úshin (QQS-syz) 4 986,91 teńge mólsherinde tarıfti bekitti, bul – buryn qoldanysta bolǵan 6 552,02 teńge/1000 teńge tarıfinen 24%-ǵa tómen.

Osynyń nátıjesinje 2023 jylǵy 1 qańtardan bastap TMRK «QazTransGaz Aımaq» AQ-nyń Qaraǵandy men Ulytaý oblystary boıynsha barlyq tutynýshylary úshin taýarlyq gazdy bólshek saýdada ótkizý baǵasyn 1000 m3 úshin (QQS-syz) 1 565,11 teńgege nemese 5%-ǵa deıin tómendetti. Eki oblystyń tutynýshylary 1000 m3 úshin (QQS-syz) 35 149,05 teńgeniń ornyna 33 583,94 teńgeden (QQS-syz) tóleıtin bolady.